Plantun de Prouvènço

Pèr coumpara dos planto d'encò nostre

Dactylorhiza sambucina & Rosa rubiginosa

Dactylorhiza sambucina

Orchidaceae

Noms en français : Orchis à odeur de sureau, Orchis sureau.

Descripcioun :
Aquesto maneto qu'a un pau l'óudour dóu sambu, trachis dins li pelouso, prado e bos clar de mountagno. N'i'a dos meno, uno di flour jauno picoutado, coume aquelo presentado à man gaucho, e uno di flour roujo-pourpro, mens coumuno (à man drecho). Se recounèis peréu à si làrgi fueio pas tacado que soun quàsi tóuti à la baso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Dactylorhiza
Famiho : Orchidaceae

Ordre : Aspargales

Coulour de la flour : Jauno
Petalo : irreguliero
Ø (o loungour) flour : 17 à 20 mm
Flourido : Printèms - Estiéu

Sòu : Ca
Autour basso e auto : 300 à 2400 m
Aparado : Noun
Mai à juliet

Liò : Pelouso - Prado umido - Bos clar
Estànci : Subremediterran à Subaupen
Couroulougi : Éuropenco
Ref. sc. : Dactylorhiza sambucina (L.) Soó, 1962

Agufié(-roussas)

Rosa rubiginosa

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier couleur de rouille.

Descripcioun :
Aquel agufié, Rosa rubiginosa, fai parti dóu group d'agoulencié qu'an de glando resinouso dessouto li fueio, ço que ié dounon aquesto coulour roussasso. Trachis dins li relarg dubert coume lis orle de bos. Se destrìo de Rosa micrantha qu'a lis estile lanu, si flour soun mai grando e peréu soun óurifice calicinau pu larg.

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.